Արցախի հանրապետության նախկին նախագահ Բակո Սահակյանը Tert.am-ի հետ զրույցում անդրադարձել է Հայաստանի Հանրապետության և Արցախի Հանրապետության իշխանությունների միջև հարաբերություններին ու Արցախի հարցին այդ համատեքստում:
-Պարո՛ն Նախագահ, 2020 թվականի պատերազմից հետո շատ է խոսվում այն մասին, որ հատկապես 2016 թվականի ապրիլյան պատերազմից հետո Հայաստանի և Արցախի իշխանությունների միջև քննարկումներ են եղել ղարաբաղյան գործընթացի հնարավոր սցենարների և դրանց լուծումների շուրջ։ Ինչի՞ շուրջ են եղել այդ քննարկումները։
Հայաստանի իշխանությունների հետ տարբեր ժամանակաշրջաններում քննարկել ենք Արցախի և Արցախի շուրջ տեղի ունեցող զարգացումների վերաբերյալ ամենատարբեր հարցեր։ 2016 թվականի ապրիլյան մարտական գործողություններից հետո մեծ ջանքեր ենք գործադրվել արտաքին քաղաքականության, անվտանգության ուղղություններում՝ Արցախի շահերն առաջ մղելու, բանակցային գործընթացում ճիշտ դիրքավորում ապահովելու, ռազմական գործողությունների վերսկսումը թույլ չտալու և հետպատերազմյան գործողությունների վերականգնողական շրջանից հետո, Արցախը զարգացման և անվտանգության ամրապնդման նոր փուլ մտցնելու համար։
-Պարոն Նախագահ, իսկ արդյոք բանակցային պրոցեսում եղե՞լ է որևէ սցենար, որը Հայաստանի նախկին իշխանությունը պարտադրել է Ար...
