Բանակում չծառայած մարզպետներն ու փոխմարզպետները

Բանակում չծառայած պաշտոնյաների ու նրանց որդիների թեման միշտ էլ արդիական է, առավել եւս այժմ` երբ քաղաքացիներից որպես բանակի հարկ ամսական 1000 դրամ գանձելու օրինագծի շուրջ դիֆերամբների պակաս չկար:Հետաքրքիր է` բանակի համար ոչինչ չխնայող պաշտոնյաններից քանիսն է ծառայել:

«Հրապարակը», ուսումնասիրելով մարզպետարանների պաշտոնական կայքերում տեղադրված պաշտոնյաների կենսագրությունները, փորձել է առանձնացնել բանակում ծառայած-չծառայած մարզպետներին ու փոխմարզպետներին: Կներկայացնենք նաեւ մարզպետների աշխատանքային գործունեությունը, թե ինչից են սկսել եւ ուր հասել:

Գեղարքունիքի մարզպետ Ռաֆիկ Գրիգորյանը 1976-1977թթ. աշխատել է Ձորագյուղի կոլտնտեսությունում` որպես բանվոր, այնուհետեւ տարբեր պաշտոններ է ստանձնել՝ համայնքի ղեկավար, պատգամավոր, մարզպետ: Ծառայել է խորհրդային բանակում: Ըստ մարզպետարանի պաշտոնական կայքի` մարզպետի երեք տեղակալներից ոչ ոք զինապարտ չի:

Տավուշի մարզպետ Հովիկ Աբովյանը աշխատանքային գործունեությունը սկսել է 1985 թ. -ին Նոյեմբերյանի ավտոտնտեսությունում` շինարարության բանվոր: Տարբեր ոլորտներում աշխատել եւ հասել մարզպետի պաշտոնին: Տավուշի մարզպետ Հովիկ Աբովյանն ու նրա երեք տեղակալները զինապարտ են:

Արմավիրի մարզպետ Աշոտ Ղահրամանյանը ծառայել է խորհրդային բանակում: Երկար տարիներ աշխատել է ՆԳՆ-ում` զբաղեցնլով տարբեր պաշտոններ` բաժնի պետից մինչեւ վարչության պետ: Արմավիրի մարզպետի տեղակալներից միայն Մովսես Քարտաշյանը զինապարտ չի:

Արագածոտնի մարզպետ Գաբրիել Գյոզալյանը աշխատանքային գործունեությունը սկսել է 1981-1989թթ. ք.Աշտարակի «Հայգյուղշինտրեստ-2» տրեստից` վարպետ, աշխղեկ, բրիգադիրից դարձել ինժեներ, այնուհետու մարզպետ: Զինապարտ է: Մարզպետի տեղակալ Մուշեղ Աբգարյանը նույնպես զինապարտ է:

Լոռու մարզպետ Արթուր Նալբանդյանը ծառայել է հայոց բանակում: Աշխատանքային գործունեությունը սկսել է 2000-2003 թթ.- «Ալավերդու հացի գործարան» ԲԲԸ-ի փոխտնօրենից մինչեւ Հայաստանի էլեկտրական ցանցեր» ՓԲԸ-ի «Դեբեդ» մասնաճյուղի «Թումանյանի էլեկտրական ցանցեր»-ի տնօրեն, այնուհետ Ալավերդու քաղաքապետ, հետո Լոռու մարզպետ: Արթուր Նալբանդյանի երեք տեղակալներից միայն Արսեն Դարբինյան զինապատ չի:

Վայոց ձորի մարզպետ Հարություն Սարգսյանը 1983-1985 թթ. ծառայել է Խորհրդային բանակում: Աշխատանքային գործունեությունը սկսել է 1986թ.-Վայքի շրջանային «Ագրոսերվիս» միավորում` դիսպետչեր մեխանիկ, տարբեր պաշտոններ ստանձնելուց հետո 2014թ. նշանակվել է Վայոց ձորի մարզպետ: Հարություն Սարգսյանի երկու տեղակալները ծառայել են խորհրդ...