Հանրահայտ երգչուհի Լաուրա Պաուզինին դիզայներ Ֆաինա Հարությունյանի զգեստով հայտնվել է իտալական «Բիլբորդ» ամսագրի առաջին թվային շապիկին: «Թե ինչպես հասանք Միլան, միայն ես ու Ֆաինան գիտենք։ Հետո իմացա, որ իր ծննդյան օրն էր, ու ներքուստ վստահ էի, որ նվեր է լինելու՝ 10 դիզայներից հենց Ֆաինայի զգեստն էին ընտրելու»,- Ֆեյսբուքում գրել է Tariel Bisharian Showroom Milano-ի հիմնադիր եւ ստեղծագործական տնօրեն Տարիել Բիշարյանը:
Իսկ թե ինչպես է զգեստը հասել Միլան ու իր հույզերի մասին BRAVO.am-ին պատմել է հենց Հարությունյանը: Դիզայները նշել է, որ այն ցուցադրվել է Միլանի նորաձեւության շաբաթվա ընթացքում, որտեղ էլ զգեստը նկատել է ու հավանել ամսագրի համար Պաուզինիի նկարահանման դիզայներ Սուսաննա Աուսոնին:
«Նա Տարիելին ասել է. «Եթե կարողանաք զգեստն ուղարկել, ցույց կտանք Լաուրային: Հավանելու դեպքում այն կընտրենք, բայց դեռ ոչինչ չենք խոստանում»: Տարիելն ամեն ինչ շատ արագ կազմակերպեց, ու զգեստը մի քանի ժամվա ընթացքում ուղարկեցինք Միլան»,- նշել է Ֆաինան:
Դիզայների խոսքով՝ եղել է միայն զգեստի ամենափոքր չափը, եւ բավական սեղմ ժամկետով կարել են երգչուհու կազմվածքին համապատասխան տարբերակն ու ուղարկել Միլան. «Բարդ էր ու անհավատալի, որ ոչ միայն կհավանի, այլ նաեւ հենց դրանով կնկարվի շապիկի համար: Այդ մասին երազել անգամ չէինք կարող»:
Պաուզինին ներկայացված 10 դիզայներների աշխատանքից հենց Ֆաինայի հեղինակած զգեստին է նախապատվությունը տվել ու յուրահատուկ հմայք հաղորդել ամսագրին:
«Լուրն իմանալուն պես կիսվեցի դրանով: Շատ...