Քրեական գործ է հարուցվել երեք երեխաների մոր ինքնասպանության առթիվ

Քրեական գործ է հարուցվել Արագածոտնի մարզի 26-ամյա բնակչուհու մահվան դեպքի առթիվ, հայտնում է Հայաստանի քննչական կոմիտեի մամուլի ծառայությունը։
Փետրվարի 3-ին Ներքին Բազմաբերդ գյուղի ամբուլատորիայից ստացված ահազանգի համաձայն՝ Ագարակավան գյուղի 26-ամյա բնակչուհին կախվել է։ Անմիջապես դեպքի վայր է մեկնել քննչական-օպերատիվ խումբը։
Երեք երեխաների մայրը կախվել է Արագածոտնում>>
Նախնական տվյալներով, Արագածոտնի մարզի 26-ամյա բնակչուհին 2017թ. փետրվարի 3-ին՝ ժամը 20:40-ի սահմաններում, ինքնասպանություն է գործել՝ իրենց տան հարևանությամբ գտնվող անասնագոմի առաստաղի տախտակից հակի թելով կախվելու միջոցով։ Երիտասարդ կինն երեք երեխաների մայր էր։