Հայաստանի մեծահասակ բնակչությունն ունի խոցելի ակնային առողջություն

Հայաստանում հոկտեմբերի 13-ին նշում են տեսողության համաշխարհային օրը: Հայաստանի մեծահասակ բնակչության շուրջ 13%-ն ունի կուրության բերող առնվազն մեկ ակնային հիվանդություն, այսինքն` ունի խոցելի ակնային առողջություն: 50 և ավելի տարեկանների շրջանում խոցելի ակնային առողջություն ունեցողների ներկայացվածությունը գրեթե 3 անգամ ավելին է և կազմում է 37%: 50-ից հետո խոցելի ակնային առողջություն ամենացածր հավանականությունն ունեն 50-54 տարեկանները: Դրանից հետո կյանքի յուրաքանչյուր լրացուցիչ 5 տարին ավելացնում է խոցելի ակնային առողջություն հավանականությունը 9%-ով:

«Արմենպրես»-ի հետ զրույցում նման տվյալներ ներկայացրեց Հայկական ակնաբուժության նախագծի հանրային կապերի տնօրեն Թամար Մինասյանը: Նրա խոսքով` աչքի հիվանդություններն առավել տարածված են 50 և ավելի տարեկան բնակչության շրջանում: Տարիքային այս խմբում տեսողության խաթարման տարածվածությունը 1.8 անգամ ավելի բարձր է, քան ընդհանուր առմամբ մեծահասակների շրջանում և կազմում է 8.4%, կատարակտի տարածվածությունը` 27%, մակուլյար դեգեներացիայինը՝ 6.5%, գլաուկոմայինը՝ 3.4%, դիաբետիկ ռետինոպատիայինը՝ 4.4%: Աշխարհում բնակչության 4% -ն ունի տե սողության խաթարում:

Հայկական ակնաբուժական նախագիծը տեսողության համաշխարհային օրվա հետ կապված մի շարք ծրագրեր կիրականացնի, որոնք կուղղվեն ակնաբուժական տարատեսակ հիվանդությունների կանխարգելմանը: «Այս տարի ուշադրությունը հիմնականում դարձվելու է դպրոցահասակների վրա: Այսօր տեսողության վերաբերյալ բաց դասեր, մրցույթներ կանցկացվեն Հանրապետության բոլոր հանրակրթական եւ թիրախավորված դպրոցներում»,-ասաց Թամար Մինասյանը:

Ամեն տարի աշխարհի շուրջ 100 երկրում հոկտ...